ბლუმის ტაქსონომიის გამოყენება მათემატიკის სწავლებისას

მათემატიკის სწავლებისას,ბლუმის ტაქსონომიის გამოყენების ძირითადი მიზანია პრობლემების გადაჭრისა და მოდელირების უნარების განვითარება. დავალებები, რომლებშიც მოსწავლეებს მოეთხოვებათ საკუთარი მოსაზრებების დასაბუთება სიტყვების, რიცხვების,
ნახაზებისა და დიაგრამების გამოყენებით, მათ მაღალი სააზროვნო უნარების გამოყენებისკენ უბიძგებს. ამ პროცესის საბოლოო მიზანია პრობლემაზე დაფუძნებული სასწავლო პროცესის საფუძველზე ახალი ცოდნის კონსტრუირება თვით მოსწავლეთა მიერ. ამ დროს მნიშვნელოვანია მკაფიოდ ჩამოყალიბებული სასწავლო მიზნების შესაბამისი დავალებების შერჩევა. ერთი კონკრეტული
გაკვეთილის ფარგლებში სასურველია დავალებათა დონეების მრავალფეროვნება.დაბალი დონის შესაბამისი დავალებების გამოყენება, როგორც წესი, უფრო ადეკვატურია:
 მოსწავლეთა არსებული ცოდნის შესამოწმებლად
 მოსწავლის ძლიერი და სუსტი მხარეების დასადგენად;
 სასწავლო შინაარსის შეჯამებისა და მიმოხილვის მიზნით.მაღალი დონის დავალებების გამოყენება ადეკვატურია მაშინ, როდესაც სასწავლო მიზნებია:
 მოსწავლეებში უფრო ღრმა და კრიტიკული აზროვნების წახალისება
 პრობლემების გადაჭრის უნარის განვითარება;
 მოსწავლეთა მიერ ჰიპოთეზის დამოუკიდებლად ჩამოყალიბება, ინფორმაციის მოძიება და მოსაზრებების დასაბუთება.სანიმუშოდ განვიხილოთ შემდეგი ცხრილი, რომელშიც წარმოდგენილია ტაქსონომიით განსაზღვრული დონეების მოკლე აღწერა, ამ დონეებთან დაკავშირებული მოქმედებების აღმნიშვნელი ზმნებისა და შესაბამისი აქტივობების მაგალითები: 

დონეები	ქმედებები	აქტივობებისა და დავალებების ნიმუშები
ცოდნა ინფორმაციისა და ფაქტების დამახსოვრება	გახსენება, გამეორება, ამოცნობა, აღწერა, დასახელება, შესაბამისობის დადგენა, ამორჩევ	დაწერეთ წრის ფართობის ფორმულა. როგორია კვადრატული განტოლების ფესვების ფორმულა? აღწერეთ მოცემული მრავალკუთხედი: რამდენი წვერო აქვს მას? ამოზნექილია თუ არა იგი? მოცემული დიაგრამის მიხედვით, რომელი რაოდენობრივი მონაცემია ყველაზე მეტი?
გაგება სასწავლო შინაარსის გაგება- გააზრება	ინტერპრეტირება, მაგალითის მოყვანა, შეჯამება, საკუთარი სიტყვებით გადმოცემა, ახსნა, კლასიფიკაცია	წრის ფართობის ფორმულა, რომელიც უკვე ვიცით, გადმოეცით საკუთარი სიტყვებით (მაგ., წრის ფართობი პირდაპირპროპორციულია მისი რადიუსის კვადრატის); მოცემულ გრაფიკებს შორის რომელი შეესაბამება კვადრატული ფუნქციის გრაფიკს? მოსწავლემ იცის ფუნქციის ფესვის ცნება, მას ეძლევა დავალება, დახაზოს ისეთი ფუნქციის გრაფიკი, რომელსაც ორი ფესვი აქვს.
გამოყენება არსებული ცოდნის გამოყენება ამოცანის ამოხსნისას, მათ შორის რეალურ ვითარებასთან მიახლოებულ ამოცანებში	ამოხსნა, გამოთვლა, გამოყენება, პოვნა.	მოსწავლემ იცის განტოლების ამოხსნის წესი/ფორმულა და მას ევალება, ამ ფორმულის გამოყენებით ამოხსნას განტოლება; მოსწავლეს ევალება ტექსტური ამოცანის ამოხსნა, როდესაც მან იცის, როგორ უნდა შედგეს და ამოიხსნას შესაბამისი განტოლება; რამდენ ხანში ჩავა ავტომობილი ერთი პუნქტიდან მეორეში, თუ მათ შორის მანძილია 250 კმ, ხოლო ავტომობილი იმოძრავებს 80 კმ/სთ სიჩქარით? (იგულისხმება, რომ მოსწავლემ იცის სიჩქარის ცნება). რომ განვაზოგადოთ, ამ დონეზე მოსწავლეს მოეთხოვება ამოცანების ამოხსნა, როდესაც მისთვის ცნობილია ამოხსნის ალგორითმი და მას არ უწევს ამ ალგორითმის შექმნა ან/და არსებულ ალგორითმებს შორის საუკეთესოს შერჩევა.
ანალიზი ნაცნობი ფაქტის, მასალის გაანალიზება, კომპონენტებად დაშლა, მაგალითად, მიმართებათა დადგენის მიზნით	გაანალიზება, ელემენტების / ატრიბუტების აღწერა, შედარება, დაშლა	მოცემულია გრაფიკი, რომელიც სქემატურად გამოხატავს მანძილებს ქალაქებს შორის. შეადგინეთ ცხრილი, რომელიც გამოსახავს ქალაქების წყვილებს შორის უმცირესი მარშრუტების სიგრძეებს. რომელ ორ ქალაქს შორისაა უდიდესი მანძილი? მოცემულია რიცხვითი მიმდევრობა, რომლის ტიპი მოსწავლისთვის ნაცნობია (მაგ., არითმეტიკული / გეომეტრიული
სინთეზი ცოდნისა და ფაქტების კომბინირება ახალი მასალის, მეთოდის, პროცედურის შექმნის მიზნი	აღმოჩენა, შედგენა, აგება, შემუშავება, კომბინირება, დაგეგმვა, ორგანიზება	შეადგინეთ ალგორითმი, რომლის გამოყენებითაც შესაძლებელია ორ ქალაქს შორის უმცირესი მანძილის პოვნა (იხ. წინა საფეხურზე განხილული ამოცანა. რა თქმა უნდა, იგულისხმება, რომ ქალაქების რაოდენობა საკმაოდ მცირეა); ელექტრონული ცხრილის გამოყენებით ააგეთ მოცემული ალბათური ექსპერიმენტის სიმულაცია; აღმოაჩინეთ და განავრცეთ კანონზომიერება, რომლის ფრაგმენტია მოცემული.
შეფასება სხვადასხვა მოდელის შედარება / შეფასება და საუკეთესოს შერჩევა, პრობლემის გადაჭრის სხვადასხვა სტრატეგიის შედარება	შედარება, ოპტიმიზაცია, შეფასება, საუკეთესოს შერჩევა	მოცემული ტექსტური ამოცანა შეიძლება ამოიხსნას როგორც განტოლებით, ისე ლოგიკური მსჯელობის გამოყენებითაც. რომელი ხერხია უკეთესი და რატომ? გვაქვს რაოდენობრივი მონაცემები; რა სახის დიაგრამა იქნება ყველაზე შესაფერისი ამ მონაცემების შესადარებლად? პოლიტიკური არჩევნების დროს გამოიყენება ამომრჩეველთა6 ხმების რაოდენობის მიხედვით გამარჯვებულის განსაზღვრის სხვადასხვა ხერხი. რომელი მათგანია უფრო ადეკვატური? პასუხი დაასაბუთეთ მათემატიკურად.